معظم الرجال عندهم خيانه و من رجل لرجل بتختلف و اليكم انواع الخيانة متل اللي بخون بالعيون :-
وهذه من اكتر الامور المزعجة عند كل ست و محرجة بنفس الوقت خصوصا اذا لفيتي و جهك عنه شوي بصير يتبصبص بس المشكلة اذا واجهت الرجل انك عينك زايغة بنكر و راح تضللي منغازة و برضو اذا واجهتي و ما انكر راح تصير مشكلة بينكم عشان هيك راح اعطيكي حل رائع و تريحي بالك ....اهم شي اتطنشي و تشوفي شو اللي لفت نظر زوجك و تبينيلو انه انتي ولا على بالك بس حسسي بنظراتك انك شفتيه بس اذا سألك مالك حبيبتي احكيلو انك تعبانه كتير و راسك بوجعك و خديه و روحي عالبيت و بس توصلي فوتي اعملي شور سريع و اتعطري و البسي شرت جينز و بروتيل و افردي شعرك و كأنه و لا عبالك انه فيه زلمه عندك بالبيت بطريقة زكيه خليه يفئع وداويها بالتي هي الداء و كوني ناعمه كتير بحكياتك و ناكشيه و اذا بدك اتفرجي عالتلفزيون و كلي بزر طبعا اذا بحبك راح يحس انه في شي مضايقك و ينهبل عشان يرفع بس اوعي تحكيلو شو فيه خليكي رايقة و تئلانه عليه و شوفي النتيجه و ادعيلي ......
وفي اللي بخون وبحب عمرته
و هاي مشكلة كبيرة كله اللا انه يحب وحده تانية لأنه الرجل عنده استعداد يبيع اهله و عيلته اذا عشق و حب و خصوصا اذا كان فاقد هاد الشي بالبيت رغم انه الست بتكون آيمه بكل واجبات زوجها و يمكن تكون من الجميلات و مش ناقصها شي بس بنستغرب لما نلاقي الرجل صار يحب عليها و ممكن يحب وحده ابشع من مرته بس انا بعرف شو المشكلة عشان نتفادى هاد النوع من الخيانه و من اهم شي لازم الست تحط ببالها انه الزوج و الزوجه شبه الميزان ابو مكيالين لازم يكون في توازن حتى يكونو عمستوى بعض كيف اتخيلي انه الميزان قدامك بمكيالين مكيال مكتوب عليه زوجه و مكيال مكتوب عليه زوج و تخيلي انه مكيالك حطيتي فيه مشاكلك و هموم البيت و الشغل و الاولاد و مكيال زوجك فاضي ومش عم ياخد منك حمل راح تتعبي و تنزلي لتحت و راح تحسي بالانانية انه مش شايل عنك و نفس الشي الرجل حطي بمكياله هموم الحياة والبيت و المسؤولية و المصاريف و مشاكل الشغل شو راح يصير بمكياله من هون اول الخيط انه الرجل بده ست تحتويه وتشيل عنه همومه و ما بقصد ماديا لأنه الرجل من النوع الكتوم اذا ما سألتية ما بحكي و ممكن ما بحب يبينلك انه عنده مشاكل او ضغط لأنه بكون آكل همك من حوستك بالولاد و البيت و شغل البيت بس الست الشاطرة هي اللي بتحس عشان هيك لما زوجك يروح من الشغل اول شي اعمليه احكيله حبيبي روح خد شور خليك تنتعش وتنعشني معك واذابدك باجي انعنشك و اضحكي وكل يوم غازليه بطريقة حلوة و على هوى مزاجه اختاري الكلمات المناسبه و بس يطلع كوني مجهزتيلو الاكل و بس ياكل و لا تتناقشي بأي موضوع وقت الاكل خليه ياكل و يشبع و دايما كوني بأبهى حالاتك و دايما خللي سفرتك زوء لأنه منظر السفره بريح بال الرجل اذا كان فيها الوان يعني المقبلات اهم من الطبيخ و بتخلي الرجل ياكل باستمتاع و ينبسط منك كتير لو ما بينلك بكون من داخله مبسوط و الخطوة التانية آخر الليل اذا كان عندك اطفال نيميهم و روحي عند زوجك بأحلى العطر و انتبهي لنقطة مهمه كتير انه تكون رائحة انفاسك حلوه يعني ممكن تاكلي علكة او تجيبي بخاخ ريحته حلوه لأنه الجمال مش كلشي النظافة و العطر بنعش قلب الرجل و قبل ما يصير شي احكي معاه بأشياء بتخصه اسأليه و ناكشيه و احكيلو نكت حلوه المناقشات و الحكيو الضحك و اللعب ضروري بين الزوجين و شوي شوي بصير يطلع منه الحكي وشوي شوي بصير يستشيرك فبدك تكوني ذكية و توجهيه صح و دايما انعشي الجلسه انه تاكلو بوزه مع بعض او تشربو عصير عشان ما ينشف ريئو و يضل يحكي لأنه الرجل على قد ما بحكي و انتي بتسمعي على قد ما برتاح و بصير يستنى يرجع عالبيت بسرعة بدو يحكيلك و يحكيلك و انت كوني معه لا تطنشيه و اضحكي بصوت عالي ناعم لما بضحكك و ازعلي بابتسامة رايئة لما يكون موضوع بزعلك و لاتضغطيه اذا كان عندك مشكله و تناقشيها معه بصوت عالي حاولي انك تسرديها بطريقة حلوه و بالوقت المناسب .............. و اساسيات حياة زوجية سعيده اشبعي عينه و بطنه و فراشو و اذا في شي دايئك منه ناقشيه و انشالله يكون من النوع المتفهم
يمكن طولت عليكم بهذا الموضوع بس انشالله تكونو استفدتو لأنه في اشياء بسيطه ما بتخطر عبالنا بس بتلعب دور كبير بحياتنا ..........و ما بخلي الرجل يحب على مرته واذا صار و خانها بالهطريقة بتقدر ترجعو لبيته و ينسى اي شي بره البيت بس بدها صبر لأنه الرجل في بداخله طفل بدو مين يفهمه و يعطيه الحنان كوني اربع نسوان في جسد واحد الام و الاخت و الصديقة و الحبيبه و شوفي كيف حياتك بتصير و الله يوفق الجميع
موضوع: لكل زوجة كيف تتعاملين مع الخيا نة زوجك لك 
الخميس أغسطس 12, 2010 2:24 am
